జల్లూరులో పీఎం సూర్య ఘర్ యోజన ప్రారంభం

పిఠాపురం నియోజకవర్గంలోని జల్లూరు గ్రామంలో పీఎం సూర్య ఘర్ యోజన కింద ఎస్సీ, ఎస్టీ విద్యుత్ వినియోగదారులకు సోలార్ విద్యుత్ సిస్టమ్‌ను బుధవారం ఘనంగా ప్రారంభించారు. ఈ కార్యక్రమం ఆంధ్రప్రదేశ్ ఉప ముఖ్యమంత్రి కొణిదెల పవన్ కళ్యాణ్ మార్గదర్శకత్వంలో నిర్వహించబడింది. కాకినాడ జిల్లా కలెక్టర్ హరేందర ప్రసాద్ , జిల్లా అధ్యక్షులు తుమ్మల బాబు, నాయకులు పెండెం దొరబాబు, ఓదురు కిషోర్ పాల్గొన్నారు. అధికారులు, లబ్ధిదారులు, గ్రామ ప్రజలు పెద్ద సంఖ్యలో హాజరై కార్యక్రమాన్ని విజయవంతం చేశారు. ఈ పథకం ద్వారా గ్రామీణ ప్రాంతాల్లో శాశ్వత విద్యుత్ సదుపాయం కల్పించడమే లక్ష్యంగా అధికారులు తెలిపారు.