పొన్నమండలో పల్స్ పోలియో కార్యక్రమం ప్రారంభం

రాజోలు మండలం పొన్నమండ తూర్పు పాలెం అంగన్వాడి కేంద్రంలో ఆదివారం ఉదయం పల్స్ పోలియో కార్యక్రమం ప్రారంభమైంది. ఐదేళ్లలోపు చిన్నారులకు పోలియో చుక్కలు వేసేందుకు తల్లిదండ్రులు తమ పిల్లలతో కలిసి కేంద్రానికి తరలివచ్చారు. ఉదయం 9:30 గంటల సమయానికి 113 మంది చిన్నారులకు పోలియో చుక్కలు వేసినట్లు సిబ్బంది తెలిపారు. ఈ కార్యక్రమంలో అంగన్వాడి కార్యకర్తలు, ఆశా వర్కర్లు పాల్గొన్నారు.