తేటగుంటలో టీడీపీలో చేరికలు

తొండంగి మండలం కేపీ పురం, చింతకాయలపేట గ్రామాలకు చెందిన పలువురు నాయకులు, కార్యకర్తలు తేటగుంట క్యాంపు కార్యాలయంలో ఎమ్మెల్యే యనమల దివ్య సమక్షంలో టీడీపీలో చేరారు. వారికి దివ్య పార్టీ కండువాలు కప్పి ఆహ్వానించారు. ఈ సందర్భంగా కూటమి ప్రభుత్వం అమలు చేస్తున్న సంక్షేమ, అభివృద్ధి కార్యక్రమాలను ప్రజల్లోకి విస్తృతంగా తీసుకెళ్లాలని ఆమె పిలుపునిచ్చారు. ఈ కార్యక్రమంలో పార్టీ నాయకులు, మండల స్థాయి ప్రతినిధులు పాల్గొన్నారు.