తునిలో టీడీపీ క్యాడర్‌తో యనమల దివ్య సమావేశం

తుని గ్రామీణ మండలంలోని నందివంపు, మరువాడ, కొత్తవెలంపేట, సీతయ్యపేట గ్రామాల్లోని టీడీపీ క్యాడర్‌తో ప్రభుత్వ విప్ యనమల దివ్య శనివారం సమావేశమయ్యారు. ఈ సందర్భంగా కూటమి ప్రభుత్వం రెండేళ్లలో అమలు చేసిన అభివృద్ధి, సంక్షేమ కార్యక్రమాలపై సమీక్షించారు. గ్రామాలకు కేటాయించిన నిధుల వినియోగం, ప్రజా సమస్యల పరిష్కారంపై పార్టీ శ్రేణులతో చర్చించారు. ప్రభుత్వ పథకాలను ప్రజలకు చేరవేయడంతో పాటు గ్రామాభివృద్ధికి కృషి చేయాలని కార్యకర్తలకు సూచించారు.