అడవి బాపిరాజు వర్ధంతి వేడుకలు

గంపలగూడెం మండలం పెనుగొలనులో మంగళవారం బహుముఖ ప్రజ్ఞాశాలి, రచయిత అడవి బాపిరాజు 74వ వర్ధంతి ఘనంగా నిర్వహించారు. ఆయన చిత్రపటానికి పూలమాలవేసి నివాళులర్పించారు. బాపిరాజు వివిధ రంగాల్లో చేసిన సేవలను వక్తలు కొనియాడారు. ఈ సందర్భంగా సాయిబాబా కమిటీ సభ్యులు సన్నాయి, డోలక్, హార్మోనియం కళాకారులు అగు జిడుగుకొండ, మంచి కంటి నర్సింహారావు, పొనుగుపాటి శ్రీను, జిడుగు ఉపేంద్ర, పొనుగుపాటి కిట్టయ్య లకు జ్ఞాపికలు అందజేసి నూతన వస్త్రాలతో ఘనంగా సత్కరించారు.