మోపిదేవి: అధికారులపై ఆగ్రహం వ్యక్తం చేసిన ఎమ్మెల్యే

మోపిదేవిలో మంగళవారం ఎమ్మెల్యే మండలి బుద్ధప్రసాద్ నిర్వహించిన ప్రజా దర్బార్‌లో, జలధార పనుల్లో అధికారుల నిర్లక్ష్యంపై ఆయన తీవ్ర ఆగ్రహం వ్యక్తం చేశారు. ప్రతిపాదనలు ఆలస్యమైతే నిధుల సాధన ఎలా సాధ్యమని ప్రశ్నించారు. గ్రామ అభివృద్ధి ప్రణాళికను ఖచ్చితంగా రూపొందించాలని, గ్రామ ప్రత్యేక అధికారులు కీలకంగా పని చేయాలని సూచించారు. గ్రామ కార్యదర్శులు నిర్లక్ష్యం వహిస్తే సహించేది లేదని హెచ్చరించారు.