నందిగామ - Nandigama

టాలీవుడ్ నటి, హోస్ట్ మంచు లక్ష్మి చెన్నైలోని గ్రీన్ పార్క్ హోటల్‌లో బస చేసినప్పుడు చేదు అనుభవాన్ని ఎదుర్కొన్నారు. తన కెమెరామెన్‌ను గదిలోకి అనుమతించకపోవడంతో ఆమె హోటల్ యాజమాన్యంపై తీవ్ర ఆగ్రహం వ్యక్తం చేశారు. ప్రపంచంలో ఎక్కడా కెమెరాలను గదిలోకి అనుమతించరనే వింత నిబంధన చూడలేదని, సిబ్బంది ప్రవర్తన అగౌరవంగా ఉందని ఆమె మండిపడ్డారు. బుకింగ్ సమయంలో, నోటీసు బోర్డుల్లో ఈ నిబంధన గురించి తెలపలేదని, సెలబ్రిటీల పట్ల ఇలాంటి వైఖరి సరికాదని ఆమె అభిప్రాయపడ్డారు. భవిష్యత్తులో ఇలాంటివి పునరావృతం కాకుండా చూడాలని ఆమె కోరారు.