రైలులో నుంచి పడి ఒకరు మృతి

రైలు నుంచి ప్రమాదవశాత్తు కిందపడి ఓ యువకుడు మృతి చెందారు. కృష్ణా జిల్లా కంకిపాడు మండలం మంతిన గ్రామానికి చెందిన వంకదారి లక్ష్మయ్య కుమారుడు దాసు (30) సికింద్రాబాద్ నుంచి వరంగల్ జిల్లా కాజీపేట వైపునకు వెళ్లే ఓ రైలులో ప్రయాణిస్తుండగా రఘునాథపల్లి గ్రామ సమీపంలో గురువారం రాత్రి రైలు నుంచి జారి పట్టాల పక్కన నాలాలో పడి తీవ్ర గాయాలతో అక్కడికక్కడే మృతి చెందాడు. మృతుడి చరవాణి ఆధారంగా మృతుడి అన్నయ్యకు సమాచారమిచ్చారు.