సమ్మె విరమణ.. ఎన్టీఆర్‌ వైద్య సేవలు పునరుద్ధరణ

ఆంధ్రప్రదేశ్ ప్రభుత్వ ఆస్పత్రుల అసోసియేషన్ సమ్మె విరమించింది. ఎన్టీఆర్ వైద్య సేవా ట్రస్ట్ కింద ఉన్న స్పెషాలిటీ ఆసుపత్రుల అసోసియేషన్, వైద్య సేవా పథకం కింద సేవలను పున:ప్రారంభించాలని నిర్ణయించింది. శుక్రవారం సచివాలయంలో వైద్య ఆరోగ్య శాఖ మంత్రి సత్యకుమర్ యాదవ్‌తో జరిగిన చర్చల్లో, ప్రభుత్వం వెంటనే రూ.250 కోట్ల బకాయిల చెల్లింపునకు అంగీకరించడంతో ఈ నిర్ణయం తీసుకున్నారు. నవంబర్ 15లోపు ఈ నిధులు విడుదల చేస్తామని ప్రభుత్వం హామీ ఇచ్చింది. అన్ని బకాయిల పరిష్కారానికి ఒకేసారి సెటిల్‌మెంట్ విధానానికి కూడా ప్రభుత్వం గ్రీన్ సిగ్నల్ ఇచ్చింది.