మంత్రాలయం: తుంగభద్రలో మునిగి రెండు వృషభాల మృతి

కర్నూలు జిల్లా మంత్రాలయంలో విషాదం చోటుచేసుకుంది. సోమవారం ఏరువాక పౌర్ణమి సందర్భంగా ఎద్దుల పారువేట కోసం సిద్ధం చేస్తుండగా తుంగభద్ర నదిలో రెండు వృషభాలు మునిగి మృతిచెందాయి. రాఘవేంద్ర నగర్‌కు చెందిన సురేష్‌కు చెందిన ఈ వృషభాల విలువ సుమారు రూ. 5 లక్షలు ఉంటుందని కుటుంబ సభ్యులు తెలిపారు. విలువైన ఎద్దులు మృతి చెందడంతో యజమాని తీవ్ర ఆవేదనకు గురయ్యాడు. ఈ ఘటన స్థానికంగా విషాదాన్ని నింపింది.