వికసిత్ భారత్ గ్రామ అభియాన్ కు శ్రీకారం

మంత్రాలయం మండలం సౌలహళ్లి, కోసిగి మండలం చిన్న బొంపల్లి గ్రామాల్లో గురువారం వికసిత్ భారత్ గ్రామ అభియాన్ కార్యక్రమాన్ని టీడీపీ ఇన్ చార్జ్ రాఘవేంద్ర రెడ్డి ప్రారంభించారు. 2047 నాటికి దేశాన్ని అభివృద్ధి చెందిన భారతంగా తీర్చిదిద్దే లక్ష్యంతో కేంద్ర ప్రభుత్వం ఈ కార్యక్రమాన్ని చేపట్టిందని ఆయన తెలిపారు. గ్రామీణాభివృద్ధి, తాగునీరు, రహదారులు, విద్య, వైద్యం, రైతు సంక్షేమం, మహిళా సాధికారత, యువతకు ఉపాధి అవకాశాల కల్పన వంటి అంశాలపై ప్రభుత్వం ప్రత్యేక దృష్టి సారించిందని వివరించారు.