ఎస్సై మణికంఠ సూచనలు: హై ఇంటెన్సివ్ లైట్ల వాడకం తగ్గించండి

బ్రాహ్మణ కొట్కూరు ఎస్సై మణికంఠ వాహనదారులకు కీలక భద్రతా సూచనలు చేశారు. రాత్రి వేళల్లో వాహనాల్లో హై ఇంటెన్సివ్ లైట్ల వినియోగాన్ని తగ్గించాలని ఆయన కోరారు. ఈ లైట్ల వల్ల ఎదురుగా వచ్చే వాహనదారులకు ఇబ్బంది కలిగి ప్రమాదాలు సంభవిస్తున్నాయని ఆయన స్పష్టం చేశారు. ప్రతి ఒక్కరూ రోడ్డు భద్రతా నియమాలను పాటిస్తూ ప్రమాదాల నివారణకు సహకరించాలని, నిబంధనలు ఉల్లంఘించే వారిపై చర్యలు తీసుకుంటామని హెచ్చరించారు. ఈ సూచనలు నంద్యాల, నందికొట్కూరు ప్రాంతాలకు సంబంధించినవి.