మహానంది హుండీ ఆదాయం రూ. 32 లక్షలు

నంద్యాల జిల్లా మహానంది దేవస్థానంలో సోమవారం హుండీ లెక్కింపు జరిగింది. గత 31 రోజుల్లో రూ. 32,29,396 ఆదాయం వచ్చినట్లు ఆలయ అధికారులు తెలిపారు. దేవస్థానం కార్యనిర్వహణాధికారి ఎన్. శ్రీనివాసరెడ్డి పర్యవేక్షణలో ఈ లెక్కింపు ప్రక్రియ పూర్తయింది. ఈ సందర్భంగా అన్నప్రసాదం, గోసంరక్షణ వంటి వాటికి ప్రత్యేకంగా విరాళాలు అందినట్లు అధికారులు వెల్లడించారు. ఈ లెక్కింపులో ఆలయ అధికారులు, సిబ్బంది పాల్గొన్నారు.