ఆదోని ఎమ్మెల్యేకు బెదిరింపులు – సోషల్ మీడియాలో వైరల్ వీడియో

ఆదోని ఎమ్మెల్యే డాక్టర్ పార్థసారథికి వైసీపీ కార్యకర్త వీరేష్ బహిరంగంగా బెదిరింపులకు పాల్పడిన ఘటన స్థానికంగా కలకలం రేపుతోంది. శుక్రవారం వైరల్ అయిన ఈ వీడియోలో, మాజీ ఎమ్మెల్యే సాయిప్రసాద్ రెడ్డి అనుచరుడిగా గుర్తించబడిన వీరేష్, ఎమ్మెల్యే పనితీరుపై విమర్శలు చేస్తూ, సాయిప్రసాద్ రెడ్డి కుటుంబంపై వ్యాఖ్యలు చేస్తే ఊరుకోనని హెచ్చరించాడు. అవసరమైతే ప్రాణాలర్పించడానికి సిద్ధమని, ఎమ్మెల్యేను ఎవరు కాపాడతారో చూద్దామని సవాల్ చేశాడు. ఈ సంఘటన స్థానికంగా తీవ్ర చర్చనీయాంశమైంది.