దౌల్తాపురం: రైలు నుంచి జారిపడి యువకుడు మృతి

ఆదివారం ఆలస్యంగా వెలుగులోకి వచ్చిన ఘటనలో, గుంతకల్ పట్టణానికి చెందిన వడ్డే తరుణ్ (26) అనే యువకుడు చిప్పగిరి మండలం దౌల్తాపురం వద్ద రైలు నుంచి జారిపడి మృతి చెందాడు. టైలరింగ్ పనులు చేసుకునే తరుణ్, ఈ నెల 27న గుంతకల్ నుంచి ఆదోనికి రైలులో బయలుదేరాడు. దౌల్తాపురం సమీపంలో ప్రమాదవశాత్తు రైలు నుంచి జారిపడి మృతి చెందినట్లు రైల్వే పోలీసులు తెలిపారు. గుర్తుతెలియని మృతదేహం పట్టాల వద్ద ఉన్నట్లు సమాచారం అందడంతో పోలీసులు మృతదేహాన్ని స్వాధీనం చేసుకున్నారు. మృతుడి వద్ద లభించిన సెల్‌ఫోన్ ఆధారంగా కుటుంబ సభ్యులను గుర్తించి, పోస్టుమార్టం అనంతరం మృతదేహాన్ని అప్పగించారు.