రాయలసీమ విశ్వవిద్యాలయంలో ఓ విద్యార్థి కత్తి పట్టుకొని హల్‌చల్‌

కర్నూలు టౌన్‌: రాయలసీమ విశ్వవిద్యాలయంలో ఓ విద్యార్థి కత్తి పట్టుకొని హల్‌చల్‌ చేశాడు. ఇంజనీరింగ్‌ మొదటి సంవత్సరం చదువుతున్న అజయ్‌ నాయక్‌, బాలాజీ నాయక్‌ మధ్య గురువారం రాత్రి స్వల్ప ఘర్షణ చోటుచేసుకుంది.
దీంతో తీవ్ర ఆగ్రహానికి లోనైన అజయ్‌ నాయక్‌, కత్తి పట్టుకొని బాలాజీ నాయక్‌ రూమ్‌ వద్దకు వెళ్లి బెదిరించాడు.ఈ ఘటనతో సహచరులు, విద్యార్థులు పరుగు తీశారు. విశ్వవిద్యాలయ అధికారులు, సిబ్బంది జోక్యం చేసుకొని గోడదాటించి ఘటనను అణచివేశారు. శుక్రవారం ఉదయం కర్నూలు తాలూకా పోలీసులు కేసు నమోదు చేసి రాయలసీమ పోలీస్‌ స్టేషన్‌లో విచారణ చేపట్టారు. ఈ కేసుపై దర్యాప్తు జరుగుతోందని అధికారులు తెలిపారు.