కర్నూలు: తహశీల్దార్ కార్యాలయం వద్ద రైతు ఆత్మహత్యాయత్నం

గోనెగండ్ల తహశీల్దార్ కార్యాలయం ముందు వేముగోడుకు చెందిన రైతు రాఘవేంద్ర పెట్రోల్ పోసుకొని ఆత్మహత్యాయత్నానికి పాల్పడ్డారు. రీ సర్వేలో తన పట్టా భూమిని ఇనాం భూమిగా మార్చారని, ఆరు నెలల నుంచి కార్యాలయం చుట్టూ తిరుగుతున్నా ఫలితం లేకపోవడంతో విసుగు చెంది ఈ పని చేసినట్లు ఆయన తెలిపారు. స్థానికులు సకాలంలో స్పందించి నీరు పోసి కాపాడటంతో ప్రమాదం తప్పింది. తనకు న్యాయం చేయాలని ఆయన కోరారు.