కర్నూలు: బాలాజీ నగర్‌లో భారీ అగ్నిప్రమాదం

కర్నూలు నగరంలోని బాలాజీ నగర్‌లో మంగళవారం కూలర్ల తయారీ కేంద్రంలో భారీ అగ్నిప్రమాదం సంభవించింది. ఈ దుర్ఘటనలో సుమారు 400 కూలర్లు అగ్నికి ఆహుతయ్యాయి. సమాచారం అందిన వెంటనే అగ్నిమాపక సిబ్బంది సంఘటనా స్థలానికి చేరుకుని మంటలను అదుపులోకి తెచ్చారు. ప్రాథమిక అంచనాల ప్రకారం, ఈ అగ్నిప్రమాదంలో సుమారు 10 నుంచి 15 లక్షల రూపాయల వరకు నష్టం వాటిల్లినట్లు అధికారులు తెలిపారు. ఈ ఘటనకు సంబంధించిన పూర్తి వివరాలు ఇంకా తెలియాల్సి ఉంది.