కర్నూలు ప్రభుత్వ సర్వజన ఆసుపత్రిలో ఆకస్మిక తనిఖీలు

కర్నూలు ప్రభుత్వ సర్వజన ఆసుపత్రి సూపరింటెండెంట్ డాక్టర్ కె. వెంకటేశ్వర్లు బుధవారం ఆసుపత్రిలోని పలు విభాగాల్లో ఆకస్మిక తనిఖీలు నిర్వహించారు. రోగులకు అందుతున్న వైద్య సేవలు, ఆసుపత్రి నిర్వహణపై ఆయన స్వయంగా పరిశీలన చేపట్టారు. వార్డులు, ఔట్‌పేషెంట్, అత్యవసర సేవల విభాగాలను సందర్శించి, చికిత్సా విధానాలు, సౌకర్యాలపై ఆరా తీశారు. ఆసుపత్రి పరిశుభ్రత, మందుల లభ్యత, వైద్య సిబ్బంది హాజరును పరిశీలించి, రోగులకు నాణ్యమైన వైద్య సేవలు అందించాలని, నిర్లక్ష్యం వహించవద్దని సిబ్బందిని ఆదేశించారు.