ఈ ఊరుకు పేరే లేదు

కర్నూలు జిల్లా తుగ్గలి మండలంలో రాంపల్లి ఎక్స్ రోడ్డు అనే ఊరికి అధికారికంగా పేరే లేదు. 18 ఏళ్ల క్రితం పొలాలకు వెళ్లే రైతులు రవాణా సౌకర్యం లేక ఇక్కడే ఇళ్లు కట్టుకున్నారు. ప్రస్తుతం 52 ఇళ్లు ఉన్న ఈ గ్రామం వ్యవసాయంపైనే ఆధారపడి జీవిస్తోంది. అయితే, వీరి ఓటర్, రేషన్ కార్డుల్లో చిరునామా ఇంకా రాంపల్లి గ్రామస్థులుగానే ఉంది. చెన్నంపల్లి రెవెన్యూ డివిజన్ పరిధిలో ఉన్న ఈ ప్రాంతం, జొన్నగిరి ఠాణా పరిధిలోకి వస్తుంది. దీంతో ఏదైనా గొడవ జరిగితే ఏ ఠాణాకు వెళ్లాలో తెలియని పరిస్థితి నెలకొంది. గ్రామంలో పాఠశాల లేకపోవడంతో పిల్లలు 2 కిలోమీటర్లు నడిచి వెళ్లాల్సి వస్తోంది.