మోడల్ స్కూల్ విద్యార్థుల అద్భుత ప్రతిభ

పెద్దకడబూరులోని ఏపీ మోడల్ స్కూల్ విద్యార్థులు టెన్త్ ఫలితాల్లో అద్భుత ప్రతిభ కనబరిచారు. మొత్తం 87 మంది విద్యార్థులు పరీక్షలకు హాజరు కాగా, 65 మంది ఉత్తీర్ణులయ్యారు. దీంతో పాఠశాల 75 శాతం ఉత్తీర్ణత సాధించింది. కె. ధరణీధర్ రెడ్డి 581/600, కేసీ దాదా కలందర్ 570/600, యు. సంజన 566/600 మార్కులతో పాఠశాల టాపర్లుగా నిలిచారు. ప్రతిభ కనబరిచిన విద్యార్థులను ప్రిన్సిపల్ ఆర్పీ రాఘవేంద్ర అభినందించారు.