ఆర్థిక వృద్ధి లక్ష్యాలపై అధికారులకు కలెక్టర్ ఆదేశాలు

నంద్యాల జిల్లాలో ఆర్థిక వృద్ధి లక్ష్యాలను సమర్థవంతంగా సాధించేందుకు అన్ని శాఖలు సమన్వయంతో పనిచేయాలని జిల్లా కలెక్టర్ రాజకుమారి అధికారులను ఆదేశించారు. మంగళవారం జిల్లా మానవ వనరుల కేంద్రంలో నిర్వహించిన సమీక్షలో, 2025-26 ఆర్థిక సంవత్సరానికి వ్యవసాయ అనుబంధ రంగాల ద్వారా సుమారు రూ. 20,395 కోట్ల ఆదాయం సాధించాలనే లక్ష్యాన్ని నిర్దేశించినట్లు వెల్లడించారు. అధికారులు లక్ష్య సాధనకు కట్టుదిట్టమైన ప్రణాళికతో ముందుకు సాగాలని ఆమె సూచించారు.