ఇరాన్ మిస్సైల్స్, డ్రోన్లతో అబుదాబి, రస్‌ ఆల్ ఖైమాలపై దాడి చేసింది. ఈ దాడుల్లో అబుదాబిలోని గిడ్డంగులు దెబ్బతిన్నాయి. యూఏఈ రక్షణ వ్యవస్థ కొన్ని దాడులను అడ్డుకున్నప్పటికీ, ముసాఫా పారిశ్రామిక ప్రాంతంపై జరిగిన దాడిలో గిడ్డంగులు శిథిలాల వల్ల నష్టపోయాయి. సాయంత్రం జరిగిన దాడిలో యూఎస్ సైనిక స్థావరం దగ్గర క్షిపణి పడింది. రస్ అల్ ఖైమాలోనూ డ్రోన్ దాడి జరిగింది. చమురు, ఇంధన వనరులపై దాడి చేసిన ఇరాన్‌పై ప్రతీకారం తీర్చుకుంటామని గల్ఫ్ దేశాల సమూహం అయిన జీసీసీ ప్రకటించింది. ఈ దాడుల్లో ఎవరూ గాయపడలేదు.