బొందిమడుగులలో మత్స్యకారుల ఎంపికపై ఉద్రిక్తత

తుగ్గలి మండలం బొందిమడుగుల చెరువులో చేపలు పట్టే మత్స్యకారుల ఎంపిక విషయంలో గురువారం ఉద్రిక్తత నెలకొంది. మత్స్యశాఖ ఏడీఏ సంధ్యారాణి ఆధ్వర్యంలో చేపట్టిన ఎంపిక ప్రక్రియలో గ్రామానికి చెందిన బెస్తవారు, ఇతర వర్గాల మధ్య వాగ్వివాదం చోటుచేసుకుంది. చెరువులో చేపల వేట హక్కుల కోసం పలు వర్గాలు పోటీ పడగా, ఎంపికలో పారదర్శకత లేదని కొందరు ఆరోపించారు. అధికారులు జోక్యం చేసుకుని, అన్ని వర్గాల అభిప్రాయాలను పరిగణనలోకి తీసుకుని న్యాయంగా నిర్ణయం తీసుకుంటామని హామీ ఇచ్చారు.