మహానంది దేవస్థానం నుంచి వీరబ్రహ్మకు పట్టువస్త్రాలు

వీరబ్రహ్మేంద్ర స్వామి జయంతి ఉత్సవాల సందర్భంగా, ఆదివారం మహానంది దేవస్థానం తరఫున కార్యనిర్వాహక అధికారి (ఈవో) ఎన్. శ్రీనివాస రెడ్డి పట్టు వస్త్రాలను సమర్పించారు. వేదపండితులు, ప్రధాన అర్చకులతో కలిసి ఆయన బ్రహ్మం గారి మఠానికి చేరుకుని, ఆనవాయితీ ప్రకారం ఈ పట్టు వస్త్రాలను అందజేశారు. మఠం ప్రతినిధి ఈశ్వరచారి వీరిని ఆత్మీయంగా స్వాగతించి, వస్త్రాలను స్వీకరించారు. ఈ కార్యక్రమంలో దేవస్థానం అధికారులు, భక్తులు పాల్గొన్నారు.