శ్రీశైలం: శివ స్వాములకు ఉచిత స్పర్శ దర్శనం

శ్రీశైల దేవస్థానం ఛైర్మన్ పోతుగుంట రమేశ్ నాయుడు బుధవారం తెలిపిన వివరాల ప్రకారం, శివదీక్ష స్వీకరించిన శివ స్వాములకు ఉచిత స్పర్శ దర్శనం కొనసాగుతుంది. భక్తుల అధిక రద్దీ కారణంగా సాధారణ స్పర్శ దర్శనాన్ని ఈనెల 7 వరకు నిలిపివేశారు. అయితే, శివదీక్ష స్వీకరించిన వారికి విడతల వారీగా ప్రత్యేక దర్శనం కల్పిస్తున్నారు. భక్తులందరికీ సౌకర్యవంతమైన దర్శనం అందించడమే దేవస్థానం లక్ష్యమని ఛైర్మన్ స్పష్టం చేశారు.