దివ్యాంగ విద్యార్థుల ఎవరెస్ట్ యాత్ర.. లోకేష్ అభినందనలు

AP: ఏపీకి చెందిన 21మంది దివ్యాంగ విద్యార్థులు ఎవరెస్ట్ బేస్ క్యాంప్‌కు చారిత్రాత్మక యాత్రను విజయవంతంగా పూర్తి చేసినందుకు మంత్రి నారా లోకేష్ వారిని అభినందించారు. ప్రభుత్వ పాఠశాలలకు చెందిన ఈ విద్యార్థులు, 5,364 మీటర్ల ఎత్తులో నేపాల్‌లో ఉన్న ఎవరెస్ట్ బేస్ క్యాంప్‌కు 16 రోజుల యాత్రను చేపట్టారు. ఈ యాత్రను సమగ్ర శిక్ష ఆధ్వర్యంలో నిర్వహించారు. వైకల్యం అనేది ఒక పరిమితి కాదని, సంకల్పం, మద్దతుతో అధిగమించగల ఒక సవాలు మాత్రమేనని వారి విజయం ఒక శక్తివంతమైన సందేశాన్ని పంపుతోందని లోకేష్ అన్నారు.