ఫౌజీ సెట్స్‌లో అగ్నిప్రమాదం.. అభిమానుల్లో ఆందోళన

ప్రభాస్ నటిస్తున్న 'ఫౌజీ' సినిమా షూటింగ్ హైదరాబాద్ రామోజీ ఫిలిం సిటీలో జరుగుతోంది. మూవీ సెట్స్‌లో శుక్రవారం అగ్నిప్రమాదం చోటుచేసుకుంది. ప్రభాస్ లేని సన్నివేశాలను చిత్రీకరిస్తున్న సమయంలో ఈ ఘటన జరిగింది. సోషల్ మీడియాలో వైరల్ అవుతున్న వీడియోలు అభిమానుల్లో ఆందోళన కలిగిస్తున్నాయి. అయితే, ఎలాంటి ప్రాణనష్టం జరగలేదని, కేవలం షూటింగ్ ప్రాపర్టీ మాత్రమే దెబ్బతిన్నదని సమాచారం. ఈ ఘటనపై మూవీ టీం స్పష్టత ఇవ్వాల్సి ఉంది.