శాలరీ అకౌంట్‌పై మినిమమ్ బ్యాలెన్స్ నిబంధనలు.. ఉద్యోగం మారితే జాగ్రత్త!

చాలా మంది ఉద్యోగులు తమ శాలరీ అకౌంట్లలో కనీస నిల్వ (MAB/AMB) అవసరం లేదని భావిస్తారు. అయితే, ఉద్యోగం మారినప్పుడు లేదా జీతం జమ కావడం ఆగిపోయినప్పుడు ఈ నిబంధనలు వర్తిస్తాయి. కొత్త కంపెనీ జీతాన్ని మరో బ్యాంకు ఖాతాలో జమ చేస్తే, పాత శాలరీ అకౌంట్‌లో జీతం జమ కావడం ఆగిపోతుంది. కొంతకాలం తర్వాత, బ్యాంకులు ఆ శాలరీ అకౌంట్‌ను సాధారణ సేవింగ్స్ అకౌంట్‌గా మార్చేస్తాయి. అప్పుడు బ్యాంకు నిర్దేశించిన కనీస సగటు నిల్వ నిబంధనలు వర్తిస్తాయి. కనీస నిల్వను నిర్వహించకపోతే, బ్యాంకు ఛార్జీలు విధించే అవకాశం ఉంది. అనవసర ఛార్జీలను నివారించడానికి అవసరం లేకపోతే ఖాతాను మూసివేయడం లేదా కనీస నిల్వను నిర్వహించడం చేయాలి.