దేశవ్యాప్తంగా రుతుపవనాల అసమానతలు.. ఉత్తరాదికి ఊరట?

దేశమంతటా నైరుతి రుతుపవనాలు విస్తరించినా, వాటి ప్రభావం అన్ని ప్రాంతాల్లో ఒకేలా లేదు. కొన్ని రాష్ట్రాల్లో కుండపోత వర్షాలు కురుస్తుంటే, మరికొన్ని చోట్ల వేడి, ఉక్కపోత కొనసాగుతోంది. జాతీయ స్థాయిలో ఇప్పటివరకు 11 శాతం వర్షపాత లోటు నమోదైంది. పశ్చిమ, మధ్య భారతదేశంపై దట్టమైన మబ్బులు ఆవరించి ఉండగా, గంగా-సింధు మైదాన ప్రాంతాల్లో ఆకాశం నిర్మలంగా ఉంది. గుజరాత్‌లో వర్షాలు విస్తారంగా కురుస్తున్నాయి. రాబోయే రోజుల్లో రుతుపవన ద్రోణి ఉత్తరం వైపు కదిలే సూచనలున్నాయి. ఢిల్లీ, హర్యానా, పంజాబ్, యూపీల్లో తేలికపాటి జల్లులు, మోస్తరు నుంచి భారీ వర్షాలు కురిసే అవకాశం ఉంది. దక్షిణ, మధ్య రాజస్థాన్‌లలోనూ భారీ వర్ష సూచన ఉంది.