కోడుమూరులో మురికినీటి సమస్యపై ఆందోళన

కోడుమూరు పట్టణంలోని 14వ వార్డులో మహిళలు శనివారం గ్రామపంచాయతీ ఈవోఆర్‌డీ దృష్టికి ఒక సమస్యను తీసుకెళ్లారు. గత కొన్ని నెలలుగా కుళాయిల్లో మురికినీరు వస్తోందని, దీనివల్ల వంటలు, తాగునీరు కష్టమవుతోందని, వ్యాధులు వస్తున్నాయని వారు ఆందోళన వ్యక్తం చేశారు. పాత పైపులైన్ల లీకేజీలే దీనికి కారణమని పేర్కొన్నారు. వెంటనే కొత్త పైపులైన్ ఏర్పాటు చేసి శుద్ధజలాన్ని అందించాలని వినతిపత్రం సమర్పించారు. ఈవోఆర్‌డీ తాత్కాలికంగా ట్యాంకర్ల ద్వారా నీరు సరఫరా చేసి, సమస్యను త్వరలో పరిష్కరిస్తామని హామీ ఇచ్చారు.