కర్నూలులో నార్కోటిక్ స్టోరేజ్ భవన పనుల పరిశీలన

కర్నూలు జిల్లా పోలీసు కార్యాలయ ఆవరణలో నిర్మిస్తున్న నార్కోటిక్ స్టోరేజ్ భవన పనుల పురోగతిని జిల్లా కలెక్టర్ డాక్టర్ సిరి ఆదివారం పరిశీలించారు. కర్నూలు, నంద్యాల జిల్లాల్లో పట్టుబడిన గంజాయి తదితర మాదకద్రవ్యాలను భద్రపరిచేందుకు ఈ భవనాన్ని నిర్మిస్తున్నారు. నిర్మాణ పనులను అధికారులతో కలిసి పరిశీలించిన కలెక్టర్, నిర్దేశిత గడువులోగా పనులు పూర్తి చేయాలని సంబంధిత అధికారులను, కాంట్రాక్టర్‌ను ఆదేశించారు. ఈ కార్యక్రమంలో జిల్లా ప్రొహిబిషన్ అండ్ ఎక్సైజ్ అధికారి సుధీర్ బాబు, ఎక్సైజ్ సీఐలు చంద్రహాస్, రాజేంద్రప్రసాద్, డీసీఆర్‌బీ సీఐ గుణశేఖర్ తదితరులు పాల్గొన్నారు.