విద్యార్థుల అభ్యాసానికి తోడ్పాటుగా స్పీకర్ బహూకరణ

కౌతాళం మండలం బదినేహాల్ గ్రామ ప్రాథమిక పాఠశాల (తెలుగు మాధ్యమం) అభివృద్ధికి గ్రామస్థుడు బి. లక్ష్మీరెడ్డి రూ. 10,000 విలువైన స్పీకర్‌ను సోమవారం బహూకరించారు. విద్యార్థుల అభ్యాసానికి ఉపయోగపడేలా ఈ స్పీకర్‌ను అందించడంతో పాటు, తరగతి గది పైకప్పు మరమ్మతులు కూడా చేయించారు. ఈ సందర్భంగా ప్రధానోపాధ్యాయులు బాలకృష్ణ, ఉపాధ్యాయులు, విద్యార్థులు ఆయనకు కృతజ్ఞతలు తెలిపారు. విద్య పట్ల ఆయన చూపుతున్న సేవాభావం స్ఫూర్తిదాయకమని కొనియాడారు.