నౌలేకల్‌లో ప్రత్యేక పీజీఆర్ఎస్ నిర్వహణ

శుక్రవారం నౌలేకల్ గ్రామంలో ప్రత్యేక పీజీఆర్ఎస్ కార్యక్రమం జరిగింది. మండల తహసీల్దార్, ఎంపీడీవో హాజరై ప్రజల నుంచి వినతులు స్వీకరించారు. స్థానిక సమస్యలను అర్జీల రూపంలో అందిస్తే పరిష్కరిస్తామని, పరిష్కారం కాని వాటిని ఉన్నతాధికారుల దృష్టికి తీసుకెళ్తామని అధికారులు తెలిపారు. ఈ కార్యక్రమం నాలుగు వారాల పాటు ప్రతి శుక్రవారం నౌలేకల్ గ్రామంలో కొనసాగుతుంది. కార్యక్రమంలో వీఆర్‌వో, రైతులు, టీడీపీ నాయకులు, గ్రామస్తులు పాల్గొన్నారు.