సర్వీస్ లో ఉన్న ఉపాధ్యాయులకు TET నుండి మినహాయింపు ఇవ్వాలి

విద్యాహక్కు చట్టంలోని 23(1) సెక్షన్ సవరణ కోసం కేంద్ర విద్యాశాఖ మంత్రికి రాష్ట్ర విద్యాశాఖ ప్రాతినిధ్యం వహించాలని, తద్వారా సర్వీస్‌లో ఉన్న ఉపాధ్యాయులకు ఉపాధ్యాయ అర్హత పరీక్ష (TET) నుండి మినహాయింపు ఇవ్వాలని ఆంధ్రప్రదేశ్ ఐక్య ఉపాధ్యాయ ఫెడరేషన్ (UTF) డిమాండ్ చేస్తోంది. ఈ డిమాండ్‌తో సెప్టెంబర్ 3వ తేదీన విజయవాడలో నిర్వహించనున్న 'చలో విజయవాడ' కార్యక్రమానికి UTF నాయకులు, ఉపాధ్యాయులు అధిక సంఖ్యలో తరలిరావాలని UTF జిల్లా కార్యదర్శి నరసింహారెడ్డి పిలుపునిచ్చారు. నంద్యాలలోని గోస్పాడు ఉన్నత పాఠశాలలో జరిగిన సమావేశంలో ఆయన ఈ వ్యాఖ్యలు చేశారు.