ఓర్వకల్లు: ఈ–క్రాప్ నమోదు పకడ్బందీగా చేయాలి: కలెక్టర్

రైతుల పంటలకు భద్రత కల్పించే ఈ-క్రాప్ నమోదు ప్రక్రియను ఎలాంటి లోపాలు లేకుండా పకడ్బందీగా అమలు చేయాలని కర్నూలు జిల్లా కలెక్టర్ డాక్టర్ ఏ. సిరి అధికారులను ఆదేశించారు. శుక్రవారం ఓర్వకల్లు మండలంలో వరి పంట ఈ-క్రాప్ నమోదును కలెక్టర్ క్షేత్రస్థాయిలో పరిశీలించారు. పంట బీమా, సబ్సిడీ, నష్టపరిహారం వంటి ప్రయోజనాలకు ఖచ్చితమైన డేటా అవసరమని, రైతులు, అధికారులు సమన్వయంతో పని చేయాలని సూచించారు. కార్యక్రమంలో జిల్లా రెవెన్యూ అధికారి వెంకట నారాయణమ్మ, ఆర్డీవో సందీప్ తదితరులు పాల్గొన్నారు.