నేచురల్ స్టార్ నాని 'ది ప్యారడైజ్' మరోసారి వాయిదా

నేచురల్ స్టార్ నాని డ్రీం ప్రాజెక్ట్ 'ది ప్యారడైజ్' చిత్రం మరోసారి వాయిదా పడింది. ఆగస్టు 21న విడుదల కావాల్సిన ఈ సినిమాను వాయిదా వేస్తున్నట్లు మూవీ టీం బయ్యర్లకు అధికారికంగా సమాచారం ఇచ్చింది. కొత్త విడుదల తేదీని త్వరలోనే ప్రకటిస్తామని ప్రకటించింది. గతంలో మార్చి 26, ఆ తర్వాత జూన్, ఆగస్టు 21 తేదీలకు వాయిదా పడిన ఈ సినిమా, అక్టోబర్ లేకపోతే డిసెంబర్‌లో విడుదలయ్యే అవకాశం ఉంది. షూటింగ్ ఆలస్యం కావడానికి రీ-షూట్స్, స్క్రిప్ట్ సమస్యలు కారణమని తెలుస్తోంది. ఈ ఆలస్యం వల్ల నాని తదుపరి చిత్రం 'బ్లడీ రోమియో' కూడా హోల్డ్‌లో పడింది.