కందుకూరులో CM రిలీఫ్ ఫండ్ చెక్కుల పంపిణీ

కందుకూరు ఎమ్మెల్యే ఇంటూరి నాగేశ్వరరావు గురువారం సీఎం రిలీఫ్ ఫండ్ కింద 48 మంది లబ్ధిదారులకు రూ. 25.64 లక్షల ఆర్థిక సహాయం చెక్కులను పంపిణీ చేశారు. గుడ్లూరు, లింగసముద్రం, ఉలవపాడు, వలేటివారిపాలెం మండలాల వారికి ఈ సహాయం అందింది. ఇప్పటివరకు 35 విడతల్లో 1,313 మందికి రూ. 10.42 కోట్ల సహాయం అందించినట్లు ఎమ్మెల్యే తెలిపారు. పేదల సంక్షేమానికి సీఎం రిలీఫ్ ఫండ్ అండగా నిలుస్తోందని ఆయన పేర్కొన్నారు.