జర్మనీలోని మునిచ్‌లో జరుగుతున్న ISSF వరల్డ్ కప్‌లో భారత యువ షూటర్ ఇషా సింగ్ మహిళల 25 మీటర్ల పిస్టల్ ఈవెంట్‌లో స్వర్ణ పతకాన్ని గెలుచుకుంది. ఆమె 43 పాయింట్లతో అగ్రస్థానంలో నిలిచి, దక్షిణ కొరియా షూటర్ కిమ్-యేజీ (42 పాయింట్లు) పేరిట ఉన్న గత రికార్డును బద్దలు కొట్టింది. ఈ ప్రపంచ రికార్డుతో కూడిన విజయంపై నేషనల్ రైఫిల్ అసోసియేషన్ ఆఫ్ ఇండియా, క్రీడా ప్రముఖులు, అభిమానులు హర్షం వ్యక్తం చేస్తున్నారు. సోషల్ మీడియాలో ఇషా సింగ్‌పై ప్రశంసల జల్లు కురుస్తోంది.