అత్తపై కత్తి దాడి: అల్లుడికి 15 రోజుల రిమాండ్

కావలి రూరల్ బుడంగుంట కాలనీలో అత్తపై కత్తితో దాడి చేసిన అల్లుడు చల్లా శ్రీనివాసులుపై పోలీసులు చర్యలు తీసుకున్నారు. భార్యను కాపురానికి పంపించలేదనే కారణంతో అల్లుడు తన అత్త తురక రమణమ్మపై దాడి చేశాడు. ఈ ఘటనలో గాయపడిన రమణమ్మ చికిత్స పొందుతోంది. కేసు నమోదు చేసుకున్న పోలీసులు నిందితుడిని అరెస్ట్ చేసి మంగళవారం కావలి కోర్టులో హాజరుపరిచారు. విచారణ అనంతరం న్యాయమూర్తి నిందితుడికి 15 రోజుల రిమాండ్ విధించగా, అతడిని కావలి సబ్ జైలుకు తరలించారు.