కేవలం ప్రియురాలిని కలవాలనే కోరికతో నియంత్రణ రేఖ (LoC) దాటి భారత భూభాగంలోకి ప్రవేశించిన పాకిస్థాన్ ఆక్రమిత కాశ్మీర్ (PoK) పౌరుడు జీషాన్ అహ్మద్ మీర్ (22)ను భారత సైన్యం అరెస్ట్ చేసింది. సియాల్‌కోట్ సరిహద్దును దాటిన అతడిని 12 గ్రెనేడియర్స్ యూనిట్ అదుపులోకి తీసుకుంది. ముజఫరాబాద్ జిల్లాకు చెందిన జీషాన్, బారాముల్లా జిల్లాకు చెందిన ఇరమ్ బానోతో ప్రేమ వ్యవహారం నడుపుతున్నట్లు విచారణలో తేలింది. వీరిద్దరినీ సైన్యం అదుపులోకి తీసుకుని, ఇది కేవలం ప్రేమ వ్యవహారమా లేక కుట్ర కోణమా అనే దానిపై నిఘా సంస్థలతో కలిసి విచారిస్తోంది.