సముద్ర వేటకు వెళ్లి ఇద్దరు మత్స్యకారులు మృతి

కావలి నియోజకవర్గం బోగోలు మండలం జువ్వలదిన్నె ఆరిచార్ల బంగారుపాలెం గ్రామానికి చెందిన తుపిలి బాలమురళి, కుమారి గోవిందు బుధవారం తెల్లవారుజామున చేపల వేటకు వెళ్లారు. ఈ క్రమంలో గాలికి వారి తెప్ప తిరగబడటంతో సముద్రంలో మునిగి ఇద్దరూ మృతి చెందారు. ఈ ఘటనతో గ్రామంలో విషాదఛాయలు అలుముకున్నాయి. కుటుంబ సభ్యులు కన్నీరుమున్నీరుగా విలపిస్తున్నారు. సమాచారం అందుకున్న పోలీసులు ఘటనాస్థలికి చేరుకుని వివరాలు సేకరిస్తున్నారు.