నెల్లూరులో మత్స్యశాఖలో తీవ్ర సిబ్బంది కొరత

నెల్లూరు జిల్లాలో 110 కి.మీ. సముద్ర తీర ప్రాంతం, 53,541 మంది మత్స్యకారులు, 39,590 ఎకరాల్లో ఆక్వా సాగు ఉన్నప్పటికీ, మత్స్యశాఖలో కేవలం 15 పోస్టులే మంజూరు అయ్యాయి. ఫిషరీస్ డెవలప్మెంట్ ఆఫీసర్ల 8 పోస్టుల్లో 4, అసిస్టెంట్ ఇన్స్పెక్టర్ పోస్టుల్లో 2 ఖాళీలు ఉండటంతో సిబ్బంది కొరత ఏర్పడి, పర్యవేక్షణలో ఇబ్బందులు ఎదురవుతున్నాయి. ఈ పరిస్థితి జిల్లా మత్స్య పరిశ్రమ అభివృద్ధికి ఆటంకం కలిగిస్తోంది.