అనధికార యూట్యూబ్ ఛానల్స్ పై చర్యలు తీసుకోవాలి

ప్రజలను ఇబ్బందులకు గురిచేస్తూ, అక్రమ వసూళ్లకు పాల్పడుతూ, బెదిరింపులకు దిగుతున్న నకిలీ విలేకరులు, అనధికార యూట్యూబ్ ఛానళ్లపై కఠిన చర్యలు తీసుకోవాలని నెల్లూరు జిల్లా ఎలక్ట్రానిక్ మీడియా వీడియో జర్నలిస్టులు కోరారు. ఈ మేరకు సోమవారం నెల్లూరు జిల్లా అడిషనల్ ఎస్పీ సౌజన్యకు వినతిపత్రం సమర్పించారు. జిల్లా వ్యాప్తంగా అనధికారిక యూట్యూబ్ ఛానళ్లలో నకిలీ విలేకరులు వ్యవహరిస్తున్న తీరును వారు అడిషనల్ ఎస్పీ దృష్టికి తీసుకెళ్లారు.