నెల్లూరు: శాకాంబరి అలంకరణలో ఇరుకళల పరమేశ్వరి అమ్మవారు

నెల్లూరు నగర గ్రామదేవత ఇరుకళల పరమేశ్వరి అమ్మవారు ఆదివారం శాఖంబరి అలంకరణలో దర్శనమిచ్చారు. వివిధ కూరగాయలు, పండ్లతో అమ్మవారిని అలంకరించారు. ఈ సందర్భంగా వేలాదిమంది భక్తులు అమ్మవారిని దర్శించుకున్నారు. అలాగే ఆలయంలో అమ్మవారి గీతాలతో వివిధ సాంస్కృతిక కార్యక్రమాలను నిర్వహించారు. పెద్ద ఎత్తున హాజరైన భక్తులకు తీర్థ ప్రసాదాలను అందజేశారు. ఆలయ కార్య నిర్వహణ అధికారి గిరి కృష్ణ, సురేంద్ర యాదవ్ పాల్గొన్నారు.