భక్తిశ్రద్ధలతో మతత్రయ ఏకాదశి విశేష పూజలు

నెల్లూరు మూలాపేటలోని శ్రీ వేణుగోపాలస్వామివారి దేవస్థానంలో బుధవారం మతత్రయ ఏకాదశి సందర్భంగా శ్రీస్వామి, అమ్మవార్ల ఉత్సవమూర్తులకు సుగంధ ద్రవ్యాలు, పంచామృతాలతో తిరుమంజన (అభిషేక) కార్యక్రమాన్ని భక్తిశ్రద్ధలతో నిర్వహించారు. అభిషేకానంతరం తులసీదళాలతో అష్టోత్తర శతనామావళి పూజ చేశారు. ఈ కార్యక్రమంలో భక్తులు పాల్గొని, స్వామివారి తిరుమంజనాన్ని వీక్షించి తీర్థప్రసాదాలు స్వీకరించారు. ఆలయ ఛైర్మన్ చంద్రమౌళి రెడ్డి తదితరులు పాల్గొన్నారు.