పొదిలిలో వైభవంగా వీరబ్రహ్మేంద్రస్వామి ఆరాధన మహోత్సవం

ప్రకాశం జిల్లా పొదిలిలోని శ్రీ పోతులూరి వీరబ్రహ్మేంద్రస్వామి ఆలయంలో ఆదివారం ఆరాధన మహోత్సవం భక్తిశ్రద్ధలతో నిర్వహించారు. ఆలయ ధర్మకర్త, జనసేన నాయకులు శ్రావణి వెంకటేశ్వర్లు, విజయ గౌరి దంపతుల ఆధ్వర్యంలో జరిగిన ఈ కార్యక్రమంలో ఆవుల పాపారావు-కళ్యాణి దంపతులు ప్రత్యేక పూజలు చేసి, పట్టువస్త్రాలు అందుకున్నారు. ఎక్కల శేషగిరిరావు దంపతులను శాలువాతో సత్కరించారు. పొదిలి మండల మోటార్ బైక్ యూనియన్ అసోసియేషన్ ప్రెసిడెంట్ యుద్ధం శ్రీను బృందం సహకారంతో అన్నదాన కార్యక్రమం జరిగింది.