ఏప్రిల్ 1 నుంచి అమల్లోకి కొత్త ఆదాయ పన్ను చట్టం

ఏప్రిల్ 1వ తేదీ నుంచి కొత్త ఆదాయ పన్ను చట్టం అమల్లోకి వస్తుందని కేంద్ర ఆర్థిక శాఖ మంత్రి నిర్మలా సీతారామన్ తెలిపారు. ఆదాయ పన్ను వ్యవస్థను మరింత సరళతరం చేసే దిశగా ఈ నిర్ణయం తీసుకున్నామన్నారు. పన్ను చెల్లింపుదారులకు అనుకూలంగా నిబంధనల్లో సడలింపులు చేశామని, సామాన్యులకు భారీ ఉపశమనం కలిగే అవకాశం ఉందన్నారు. సరళతరం చేసిన కొత్త ఫారాలు త్వరలో అందుబాటులోకి రానున్నాయని తెలిపారు.