పాకిస్థాన్ కాల్పులు.. భారత డ్రోన్ సురక్షితం

జమ్మూ అంతర్జాతీయ సరిహద్దు ప్రాంతంలో మంగళవారం రాత్రి భారత రిమోట్ పైలట్ విమానంపై పాకిస్థాన్ కాల్పులు జరిపింది. కనాచక్ సెక్టార్‌లోని పాకిస్తానీ పోస్టుల నుండి మొత్తం ఐదు రౌండ్లు కాల్పులు జరిగాయి. భారత డ్రోన్ సురక్షితంగా తిరిగి వచ్చినప్పటికీ, ఈ సంఘటన సరిహద్దు వెంబడి ఉద్రిక్తతలను పెంచుతుందని నిపుణులు భావిస్తున్నారు. గతంలోనూ పాకిస్థాన్ కాల్పుల విరమణ ఒప్పందాన్ని ఉల్లంఘించి, సరిహద్దు సమీపంలో డ్రోన్లు, బెలూన్లను పంపింది. ఇదే సమయంలో, గందర్‌బల్‌లో జరిగిన ఎన్‌కౌంటర్‌లో ఒక ఉగ్రవాది హతమయ్యాడు.