చంద్రబాబు సంస్కారం వల్లే వైసీపీ నేతలు బయట తిరుగుతున్నారు: మంత్రి సవిత

మంత్రి సవిత శనివారం మంగళగిరిలో మాట్లాడుతూ, చంద్రబాబు నాయుడు గారి సంస్కారం వల్లే వైసీపీ నేతలు నేడు బయట తిరుగుతున్నారని పేర్కొన్నారు. చంద్రబాబుపై అంబటి రాంబాబు చేసిన వ్యాఖ్యలకు వెంటనే క్షమాపణ చెప్పాలని ఆమె డిమాండ్ చేశారు. లోకేశ్ ఒక్క పిలుపునిస్తే వైసీపీ నాయకులు గడప దాటడానికి కూడా భయపడేలా చేస్తామని హెచ్చరించారు. టీడీపీ శ్రేణులు ఓపికతో ఉన్నారంటే అది కేవలం క్రమశిక్షణేనని, ఇప్పటికైనా వైసీపీ నేతలు పద్ధతి మార్చుకోవాలని ఆమె ఘాటుగా హెచ్చరించారు.